Ynni stêm, llechi a Tomos y Tanc – mae gan y rheilffordd dreftadaeth hon bopeth i’w gynnig

Pwy sydd ddim yn mwynhau reid ar drên stêm drwy gefn gwlad? Daeth Rheilffordd Talyllyn i fodolaeth ym 1866 fel y rheilffordd lein gul gyntaf ym Mhrydain a ddyluniwyd ar gyfer locomotifau stêm; bu’n gwasanaethu’r chwareli llechi yn y bryniau uwchben Tywyn. Roedd y lein hefyd yn cludo teithwyr a nifer cynyddol o dwristiaid ar ddechrau’r ugeinfed ganrif.

Ar ôl i’r chwareli gau, Talyllyn oedd y rheilffordd gyntaf hefyd i gael ei chymryd drosodd a’i rhedeg gan selogion. Agorodd fel rheilffordd dreftadaeth ym 1951 a dwy flynedd yn ddiweddarach ysbrydolodd cadwraeth y lein y ffilm gomedi gan Ealing Studios, The Titfield Thunderbolt. Mae’r rheilffordd yn rhedeg o Dywyn i Abergynolwyn a Nant Gwernol, ac yn mynd heibio Rhaeadrau Dolgoch ar y ffordd. Ewch am dro yn Nant Gwernol ar hyd y llwybr troed i’r ‘rheilffordd echdynnu mwynau’ yn Chwarel Bryn Eglwys.

Gwnewch yn siŵr eich bod yn galw heibio’r Amgueddfa Rheilffordd Lein Gul yng ngorsaf Tywyn sy'n dathlu hanes mentrau o’r fath. Mae’r amgueddfa yn cynnwys ail-gread o astudiaeth y Parchedig Wilbert Awdry – cefnogwr Rheilffordd Talyllyn ac awdur y gyfres hoff o lyfrau plant, Tomos y Tanc.

Pentref Abergynolwyn – a grëwyd yn wreiddiol i letya chwarelwyr – yw’r lleoliad perffaith i orffen eich taith gyda phaned o de yn y caffi.

Linciau

Rheilffordd Talyllyn

• Mynediad i gludiant gyhoeddus
• Parcio
• Pramiau
• Teithiau Cerdded Cyfagos
• Cyfleuster-au Plant
• Toiledau
• Mynediad i Gadair Olwyn

Amseroedd Agor

Gwiriwch wefan Rheilffordd Talyllyn

Cyfeiriadau

Ffordd

Mae Tywyn ar yr A493 o Fachynlleth i Ddolgellau

Tren

Tywyn - ½ milltir

Beic

Llwybr beicio gerllaw

Manylion Mynediad

Rhan fwyaf o'r cerbydau gyda mynediad anabl

Manylion Ymarferol

Rhif Cyfeirnod Grid Llawn: Tywyn (prif orsaf): SH 585004 Gorsaf Abergynolwyn: SH 671063 Mapiau Landranger yr Arolwg Ordnans: 124

Traveline Cymru

Sustrans

Cysylltu

Ffôn

01654 710472

Cyfeiriad

Rheilffordd Talyllyn, Tywyn, LL36 9EY