Ewch am dro ar y lein gul hon  - a’i chwaer fach

Neidiwch ar Reilffordd Dreftadaeth Ucheldir Cymru ym Mhorthmadog.  Gwirfoddolwyr sy’n ei gynnal, ac mae’n rhedeg ar stêm am ¾ milltir i Pen-y-Mount sy’n daith o oddeutu awr. Datblygwyd y math hwn o reilffordd lein gul dwy droedfedd yng Ngwynedd i gludo llechi o’r chwareli i borthladdoedd megis Porthmadog. Allforiwyd y cargo llechi a’r syniad o reilffyrdd lein gul i bedwar ban byd.

Mae’r trên yn stopio yn yr amgueddfa. Fan hyn, fe gewch wybod mwy am reilffyrdd bychan Porthmadog a’r amryw ffyrdd i’w rhedeg – ceffyl, disgyrchiant, stêm, disel a thrydan. Does dim llaesu dwylo yn yr amgueddfa, cewch eistedd wrth y llyw mewn locomotif gwthio, a darganfod pam ei fod yn cael ei yrru wysg ei ochr. Peidiwch â cholli’r cyfle i deithio ar y rheilffordd fach o amgylch cytiau injans a’r coedydd. Dim ond 7 modfedd o led yw’r rheiliau, ac mae’r daith yn cynnwys twnnel, pont a thraphont!

Mae siop lyfrau arbenigol yma hefyd er mwyn i’r sawl sy’n dymuno gwybod mwy am y rheilffyrdd lein gul enwog brynu deunydd darllen. Cofiwch alw heibio’r ystafell de cyn i chi adael.  Gallwch hefyd fynd ar daith wefreiddiol ar Reilffordd Eryri drwy ddal trên ym Mhorthmadog a theithio i Gaernarfon.

Linciau

Welsh Highland Railway

• Mynediad i gludiant gyhoeddus
• Parcio
• Pramiau
• Cyfleuster-au Plant
• Toiledau
• Mynediad i Gadair Olwyn

Amseroedd Agor

Yn gyffredinol mis Ebrill - Hydref - gwiriwch y wefan

Cost Mynediad

Oedolion

£7.50

Plant

£3.75

Teulu

£18.50

Consesiwn

£6.00

Cyfeiriadau

Ffordd

Oddi ar yr A487 gyferbyn â gorsaf y brif linell

Tren

Porthmadog - 100 llath

Bws

Gorsaf bws tu allan i'r orsaf dren prif linell

Beic

Ar Lwybr Beicio Cenedlaethol Rhif 8

Manylion Mynediad

Caniateir cwn, cerbydau gyda mynediad anabl

Manylion Ymarferol

Rhif Cyfeirnod Grid Llawn: SH 567391 Mapiau Landranger yr Arolwg Ordnans: 124

Traveline Cymru

Sustrans

Cysylltu

Ffôn

01766 513402

Cyfeiriad

Rheilffordd ac Amgueddfa Dreftadaeth Ucheldir Cymru, Porthmadog, LL49 9DY